إليكم هذه القصيدة الغزلية من الشـعر الحديث الموزون والفصيح جداً
من تأليف الشـاعر الغزلي الكبير -طوطو الأمجاتي التي كتبها لصديقته سميحة الدشك
مع شرح وافي للكلمات السهلة... )
بحبك حب مش مألوف
لا بينكتب ولا بيتعبى بظروف
بحبك متل عامود مأروف
بحبك تكوني فصة وكون أنا الخاروف
بحبك تكوني سلق وكون أنا الملفوف
بحبك تكوني فئيرة وكون أنا المنتوف
بحبك تكوني ليرة ومعي منك ألوف
بحبك تكوني جيبي وكون أنا المصروف
بحبك تكوني كمبيوتر وكون أنا الكيبورد والحروف
بحبك تكوني أصالة وكون أنا الوسوف
بحبك تكوني طابي وكون أنا بيرهوف
بحبك عاأد محبة القطة للفارة
بحبك متل محبة الدولاب للسيارة
بحبك متل شرطي السير ما بيحب الصفارة
بحبك محبة الجزرة للبشارة
بحب عيونك اللي بلون الخيارة
بحب تمك اللي أكبر من السحارة
بحب طولك وفشرت السيكارة
بحب صوتك اللي بيصرع الحارة
دقات ألبي متل ورشة نجارة
بس انتي الكهربا والخشب والبسمار والبرغي والدئارة
انتي العمش بعيوني المحتارة
يا كبريتة حياتي العود بسمتك ونظرتك النارة
إن متت بتكوني السبب وإن ما متت ان شاالله ترفسني حمارة
مفردات القصيدة:
. مأروف = مقروف يعني مكسور أو مقطوع
. فصة = نوع من الحشائش تتغذى عليه الخرفان
9. كيبورد = لوحة مفاتيح الكمبيوتر (أو الحاسوب)
11. طابي = أي كرة قدم ،
بيرهوف = لاعب كرة قدم ألماني مأروف - أقصد معروف
12. عاأد = على قد = أي بقدر مماثل
و القد كلمة عربية فصيحة جمعها قدود حلبية وموشحات أندلسية
17. تمك = فمك أو ثغرك المتبسمِ ،
السحارة = صندوق خشبي لوضع الخضروات
18. السـيكارة = لفافة التبغ
. ألبي = قلبي وفؤادي ومهجتي وخافقي
22. العمش = ما يكون بالعين عند الاستيقاظ من النوم وهذا دليل الأرق وسهر الليالي وعد النجوم على أمل لقاء المحبوبة
. كبريتة = علبة ثقاب تحتوي على (20) عود ثقاب
السبب = يعني المحبوبة سميحة الدشك
مع التمنيات لجميع الشباب بأن لا يكون صوت محبوبته مثل ورشة النجارة... ولا متل صوت أصالة في أغنية يا مجنون )